ओमानविरुद्धको खेलमा स्टार लेगस्पीनर सन्दीप लामिछाने घाइते भएका छन् । आईसीसी विश्वकप क्रिकेट लिग–२ अन्तर्गतको मंगलबारको खेलमा फिल्डिङ गर्ने क्रममा उनी घाइते भएका हुन् ।
उनको चोटको विस्तृत विवरण आइसकेको छैन, तर नेपाली टोलीका फिजियोथेरापिस्टले उनको प्रारम्भिक अवस्था हेरिरहेका छन् । उनी अहिले मैदानबाहिर छन् । यसअघि नेपाली टोलीका उपकप्तान दिपेन्द्रसिंह ऐरी पनि अभ्यासको क्रममा घाइते भएका थिए । चोट ठीक हुन चार साता लाग्ने भएकाले उनी टोलीबाट बाहिरिएका छन् ।