फाइभ-जी टेक्नोलोजी हाल प्रयोगमा रहेको फोर-जीभन्दा निकै परिस्कृत प्रविधिका रूपमा आउँदै छ। वैज्ञानीकले फाइभजी टेक्नोलो-जीमा १ हजार भन्दा अधिक एप्लिकेसन चलाउन सकिने बताइरहेका छन्। डाटा स्पिड फोरजीभन्दा १ सय गुना बढी हुने प्रारम्भिक अनुसन्धानबाट खुलेको छ। फाइभ-जी प्रविधिमा डाटा स्पिड मात्रै १० गिगाविट प्रतिसेकन्ड हुनेछ।
फाइभजी प्रविधिमा एउटा फिल्म ०.३७ सेकेन्डमै डाउनलोड गर्न सकिनेछ। फाइभ-जी प्रविधि संचालका लागि ऊर्जाको खपत १० गुणाले कम हुनेछ। उपभोक्तालाई मात्र होइन फाइभ-जीले संसारका धेरै क्षेत्रमा आमुल परिवर्तनहरु ल्याउँनेछ। केही देशमा सीमिति स्तरमा व्यवसायिक सुरुवात गरिरहेका फाइभ-जी आम रुपमा अहिले पनि परीक्षणकै क्रममा छ। अहिलेको विश्वमा इन्टरनेट नै ठूलो खोजी र आविष्कारको उपलब्धि र उपयोगी प्रविधि रहेको छ। यही प्रविधिको सफलताले संसारलाई नै अनलाइन हुँदै मोबाइलमा खुम्चाइ दिएको छ।
फाइभ-जीले अबको सञ्चार तथा प्रविधिको भविष्यको प्रतिनिधित्व गर्दैछ। सन् २०२५ भित्र विश्वभर अनुमानित १.५७ अर्ब वा कुल मोबाइल प्रयोगकर्तामध्ये १८ प्रतिशतमा फाइभ-जी प्रविधिको पहुँच पुग्नेछ। हालैको एक अध्ययनअनुसार २०२५ भित्रसम्म अमेरिका, चीन, जापान र दक्षिण कोरिया मात्र फाइभ-जी मोबाइल नेटवर्क प्रयोग गर्ने विश्वभरको संख्याको आधा हुनेछन। फोव्र्स म्यागजिनका अनुसार सन् २०२६ सम्ममा फाइभ-जीमा ३ अर्ब ५० करोडले प्रयोग गर्न सक्छन्। फाइभ-जीसँगको उपलब्ध ब्यान्डविथ, विश्वसनीयता र इस्ट्रिमिङ गतिमा भएको वृद्धिले व्यवसायलाई आर्टिफिसियल इन्टेलिजेन्स र मेसिन लर्निङ जस्ता उन्नत डाटा-संचालित प्रविधिको पूर्ण क्षमता प्रयोग गर्न दिन्छ जसले गर्दा व्यवसायलाई झन् सक्षम बनाउन सक्छ। विज्ञहरुले गरेको अनुसन्धान अनुसार विश्वभर सन् २०३५ सम्ममा फाइभ-जीको सामाजिक तथा आर्थिक प्रभावले करिब १३.२ ट्रिलियन अमेरिकी डलर (अनुमानित) आर्थिक मूल्यको वृद्धि सिर्जना गर्नेछ।
(एजेन्सीको सहयोगमा)