पुस महिनाका लागि ११ वटा बैंकले ब्याजदर समायोजन गरेका छन् । नयाँ ब्याजदर आजदेखि लागू भएको छ । २० वाणिज्य बैंकमध्ये ११ बैंकले ब्याजदर समायोजन गरेका हुन् । बैंकहरुले प्रकाशित गरेको ब्याजदर तालिका अनुसार ९ वटा बैंकको ब्याजदर घटेको छ । बाँकी दुई बैंकले भने निक्षेपको प्रकारका आधारमा ब्याजदर घटबढ गरेका छन् ।
साधारण बचत खातातर्फ तीनवटा बैंकले ब्याजदर घटाएका छन् भने एउटा बैंकको ब्याजदर सामान्य बढेको छ। त्यस्तै, एकवर्षे व्यक्तिगत मुद्दती खाता अन्तर्गत तीन वटा बैंकले ब्याजदर घटाउँदा एउटा बैंकको ब्याजदर मात्रै बढेको छ । एकवर्षे संस्थागत मुद्दती खातामा आठवटा बैंकले ब्याज घटाएका छन् ।