पछिल्लाे २४ घण्टामा नेपालमा २ हजार ९७९ जनालाई कोरोना संक्रमण पुष्टि भएको छ । स्वास्थ्य तथा जनसंख्या मन्त्रालयले बुधवार दिएको जानकारी अनुसार उक्त अवधिमा ११ हजार ८९८ ओटा परीक्षण गरिएकोमा उक्त संख्यामा संक्रमण पुष्टि भएको हो । मन्त्रालयका अनुसार मुलुकभरमा ७ हजार ८३५ जनाको पीसीआर परीक्षण गरिएकोमा २ हजार ७७ जनामा कोरोना संक्रमण पुष्टि भएको छ भने ४ हजार ६३ जनाको एन्टिजेन परीक्षण गरिएकोमा ९०२ जनामा कोरोना संक्रमण पुष्टि भएको छ।
यसैगरी सोही अवधिमा १ हजार ३३३ जना कोरोना संक्रमणमुक्त भएका छन् । मन्त्रालयका अनुसार सो अवधिमा २८ जनाको कोरोना संक्रमणबाट मृत्यु भएको छ । यो सँगै हालसम्म नेपालमा कोरोना संक्रमणबाट मृत्यु हुनेको संख्या ९ हजार २९१ पुगेको छ । मन्त्रालयका अनुसार उक्त अवधिमा काठमाडौं उपत्यकामा ५४३ जनालाई कोरोना संक्रमण पुष्टि भएको छ । जसअनुसार काठमाडौं जिल्लाका ३९० जना, ललितपुर जिल्लाका ८६ जना र भक्तपुर जिल्लाका ६७ जना संक्रमित रहेका छन् । यसै बीच मन्त्रालयका प्रवक्ता डा कृष्ण पौडेलले लक्षण भएका संक्रमितको सरकारी अस्पतालहरुमा निःशुल्क परीक्षण हुने जानकारी दिंदै यदि कसैलाई कोरोना संक्रमण लक्ष्मण भए परीक्षण गराउन पनि आग्रह गरेका छनन् ।