विराट कोहलीले टी-२० विश्वकप पछि टी-२० क्याप्टेनसिप छोड्ने भएका छन् । टेस्ट, एकदिवशीय अन्तराष्ट्रिय र टी-२० टिमको कप्तानी सम्हाल्दै आएका कोहलीले यसैबर्ष दुबइमा हुन गईरहेको विश्वकप पश्चात टी-२० मा कप्तानीको जिम्मेवारीबाट मुक्त हुने घोषणा गरेका हुन् ।
सन् २००८ को १९ वर्ष भन्दा कम उमेर भएका विश्व कप क्रिकेट विजेता दलको कप्तान समेत भइसकेका कोहलीले एक सुचना जारी गर्दै टी-२० क्याप्टेनसिप छोड्ने बताएका छन् । सचिव जय शाह, बिसिसीआइका अध्यक्ष सौरभ गंगुलीसँगै कोच रबि शास्त्री र उपकप्तान रोहितशर्मा एवं खेलाडीसँगको बिशेष वार्तालाप पश्चात उक्त निर्णय लिएको कोहलीले सामाजिक सञ्जाल मार्फत बताएका छन् । साथै उनले भारतीय क्रिकेट टिमसँग नजिकै रहिरहने समेत बताएका छन् ।
कोहलीले आइसिसी उपाधि जित्न नसकेपछि भारतलाई तीनै शैलीमा आफ्नो कप्तानीमा विश्वको एक सर्वोत्कृष्ट टोली भने बनाउन सफल भएका छन् । कोहलीले अन्तर्राष्ट्रिय क्रिकेटमा तीनै शैलीमा उच्च प्रदर्शन गर्दै आएका छन् ।
