कप्तान ज्ञानेन्द्र मल्लको अर्धशतकको सहयोगमा नेपालले अमेरिकालाई १७५ रनको लक्ष्य दिएको छ । ओमानको मस्कटस्थित अल अमारत क्रिकेट मैदानमा टस हारेर पहिले ब्याटिङ गरेको नेपालले ४८ ओभरका सम्पूर्ण विकेट गुमाएर १७४ रन बनाएको हो ।
राष्ट्रिय क्रिकेट टिमका कप्तान ज्ञानेन्द्र मल्ल नेपालका लागि एकदिवसीय अन्तर्राष्ट्रिय (ओडीआई)मा सर्वाधिक रन बनाउने खेलाडी बनेका छन् । १०५ बल खेलेका मल्लले ३ चौकाको सहयोगमा ५५ रन बनाए । त्यस्तै ओपनर कुशल भुर्तेलले ३६ रनको कायम गरेका छन् । यस्तै गलशन झाले २८ रन बनाउँदा करण केसी १२ तथा सन्दीप लामिछानेले ११ रन र विनोद भण्डारीले १० रनको बनाएका हुन् ।
बलिङतर्फ अमेरिकाका लागि कप्तान सौरव नेत्रभालकरले सर्वाधिक ४ विकेट लिए । त्यस्तै केले पिलिप्सले ३ विकेट लिँदा कारिमा गोरे, इलमोर कुटिसन र नठुसन केङ्लीले समान एक–एक विकेट लिए ।