नेपाली राष्ट्रिय फुटबल टिमले ओमानसँग मैत्रीपूर्ण प्रतियोगिता खेल्ने भएको छ । माल्दिभ्समा आयोजना हुने साफ च्याम्पियनसिपका लागि वैदेशिक प्रशिक्षणमा रहेको नेपाली टिमले आगामी आइतबार कतार युनिभर्सिटी मैदानमा ओमानसँग मैत्रीपूर्ण प्रतियोगिता खेल्ने भएको हो ।
अखिल नेपाल फुटबल संघ एन्फाले जनाए अनुसार साफ च्याम्पियनसिपको तयारीका लागि काठमाडौंमा भारतसँग दुई वटा मैत्रीपूर्ण फुटबल म्याच खेलेर नेपाली टोली कतार प्रस्थान गरेको थियो । ओमानसँगको मैत्रीपूर्ण फुटबल खेलेपछि नेपाली टिम उतैबाट माल्दिभ्स प्रस्थान गर्ने छ । साफ च्याम्पियनसिपमा नेपालले आयोजक राष्ट्र माल्दिभ्ससँग खेल्दै प्रतियोगिताको शुरुआत गर्ने छ ।