ललितपुर प्याट्रियट्सका कप्तान ज्ञानेन्द्र मल्लले एभरेस्ट प्रिमियर लिग (ईपीएल) नखेल्ने भएका छन् । ललितपुर प्याट्रियट्सले बिहिबार एक प्रेस विज्ञप्ति मार्फत ‘व्यक्तिगत कारण’ले कप्तान ज्ञानेन्द्रले इपिएल नखेल्ने जनाएको हो । मल्लले ललितपुरका सीईओ निरज कोइरालालाई इमेल मार्फत आफू खेल्न असमर्थ रहेको जानकारी दिएको बताइएको छ ।
ईपीएल सुरु हुनुभन्दा दुई दिनअघि मात्रै मल्ल मैदानमा नउत्रने कुरा ललितपुरले सार्वजनिक गरेको हो । यसअघि विराटनगर वारियर्सका कप्तान पारस खड्का, वसन्त रेग्मी र काठमाडौं किंग्स इलेभेनका दीपेन्द्रसिंह ऐरीले पनि इपिएल नखेल्ने जनाईसकेको छ । दीपेन्द्र चोटका कारण नखेलेका हुन् । पारस र वसन्तले व्यक्तिगत कारण नखेल्ने जनाएका छन् ।
इपिएल असोज ९ देखि २३ सम्म टियुमा हुने छ । इपिएल विजेताले ५० लाख र उप विजेताले १५ लाख रुपैयाँ प्राप्त गर्ने छन् । ललितपुरले २०१८ को फाइनलमा भैरहवा ग्ल्याडियसटर्सलाई १४ रनले पराजित गर्दै उपाधि जितेको थियो । ललितपुरले उद्धघाटन खेलमा काठमाडौं किंग्स इलेभेनसँग खेल्ने छ ।
