पेट्रोलियम पदार्थको मूल्य फेरि बढ्यो ।

नेपाल आयल निगमले पेट्रोलियम पदार्थको मूल्य बढाएको छ । निगमले बुधबार राति १२ बजेदेखि लागु हुने गरी पेट्रोलियम पदार्थको मूल्य बढाएको हो ।
निगमकाे नयाँ मुल्य अनुसार पेट्रोल प्रतिलिटर ३ रुपैयाँ, डिजेल तथा मट्टितेल ३ रुपैयाँ, आन्तरिक हवाई इन्धनको मूल्य प्रतिलिटर ५ रुपैयाँ र अन्तर्राष्ट्रिय हवाई इन्धनको मूल्य प्रतिकिलोलिटर १ सय अमेरिकी डलर बढेकाे छ। अब पेट्रोलको मूल्य प्रतिलिटर १३९ रुपैयाँ, डिजेल तथा मट्टितेलको मूल्य १२२ रुपैयाँ र आन्तरिक इन्धनको मूल्य प्रतिलिटर १०६ र अन्तर्राष्ट्रिय हवाई इन्धनको मूल्य ९९५ डलर कायम गरि बुधबार राति १२ बजेबाट लागू हुने निगमले जनाएको छ।