लड्छु भनेर मैदानमा उत्रिएकी छौ ,हिम्मत नहार्नु ,परिणाम जे सुकै आओस ।

प्रिय
बहिनी समिक्षा,
१६ वसन्त पार गरी तिमी १७ मा लागेकी रहिछौ (as media ) मैले बहिनी सम्बोधन गरे किनभने तिम्रो नाम सॅग म पनि जोडिएको छु । सोसल मिडियाको जमनामा छौ आज ,हामी मिनेटमा घटेका कुरा मिनेटमै थाहा पाउछौ । जसरी तिम्रो र Paul Jee को कुरा जताततै छाहिरहेका छन।।

तिम्रो र मेरो उमेर त्यही ३,४ बर्षको फरक होला । जब म तिम्रो उमेरमा थी तिमी जस्तै थि ,विश्वास गरी हाल्ने ,कसैले माया देखाए पग्लीहाल्ने ,सॅसार रगिन लाग्थयो ,मानिसहरु भगवान तर समयले सिकाउदो रहेछ । तिमीसंग जे भयो साथै Paul Jee र तिमीबिच को भयो त्यो मलाई थाहा पनि छैन अनि को सही र गलत छुट्याउन म कुनै भगवान हैन न त कुनै कानुन ,बस म पनि कुनै बेला उडीरहेकी थि ,फराकिलो भावना लिएर ,उड्दा उड्दै मेरा पखेटा काटने आयो ,काम दिन्छु भनेर विश्वास दिलाई ,आज त्यो दिन सम्झिदा िघर्णा पनि लाग्छ अनि पछुतो पनि । भन्नेले भन्छन त्यती बेला किन नबोलेको ,नभनेको तर पर्नेलाई थाहा हुन्छ ,किन र कसरी ? तिमीले आरोप लगाएकी हौ अथवा सहमतीमा भयो यो भन्नलाई मेरो केही हक छैन ,जे हो तिमी र तिम्रो आत्मालाई थाहा होला ।।कसैलाई अधिकार छैन तिम्रो खुट्टा मा हिडन तिमिले लगाएको चप्पल लगाउन जबसम्म तिमीले अनुमति दिन्नो ।

यती भन्छु लड्छु भनेर मैदानमा उत्रिएकी छौ ,हिम्मत नहार्नु ,परिणाम जे सुकै आओस ।आज हजारौ दिदीबहिनी लाई साहास मिलोस तिम्रो लडाईले ।

-सदिक्षा दिदी