सिड्नीमा फन्टास्टिक ईभेन्टसले ‘होली मेला २०२२’ आयोजना गर्ने

Bythetruekhabar

२० फाल्गुन २०७८, शुक्रबार १२:३२ २० फाल्गुन २०७८, शुक्रबार १२:३२ २० फाल्गुन २०७८, शुक्रबार १२:३२

अष्ट्रेलियाको सिड्नीमा ‘होली मेला २०२२’ आयोजना हुने भएको छ । फन्टास्टिक ईभेन्टसले सिड्नीमा मार्च १९ मा ‘होली मेला २०२२’ कार्यक्रमको आयोजना गर्ने भएको हो ।

सिड्नीमा कोरोनाका कारण बिगत दुई बर्षदेखी कुनै पनि कार्यक्रमको आयोजना नभैरहेको अबस्थामा सफल सांस्कृतिक कार्यक्रमको आयोजकको रूपमा स्थापित फन्टास्टिक ईभेन्टसद्वारा मार्च १९ तारिखका दिन सिड्नीको होल्ड्रेड गार्डेन्स , मेरिल्याण्डसमा आयोजना हुन लागेको सिड्नी होली मेला २०२२ लाई संगीत, रंग र फूडको जमघटको रूपमा लिइएको छ ।

होली मेलामा सिड्नीमा रहनु हुने नेपालीहरूलाई भरपूर मनोरन्जन दिन नेपालबाट नेपाली गीत /संगीत र नृत्यका चर्चित कलाकारहरू प्रमोद खरेल, शुसान्त खत्री, अल्मोडा राना उप्रेती र दिनेश काफ्ले लगायतका कलाकारहरूको अपूर्ब जमघट रहने बताइएको छ । आयोजकले कार्यक्रममा सहभागि भएर भरपूर मनोरन्जन लिन सिड्नीमा रहनु हुने नेपालीहरूलाई आग्रह गरेको छ ।

अष्ट्रेलियाका बिभिन्न शहरहरूमा सांस्कृतिक कार्यक्रमको आयोजना गरेर लामो समयदेखी अष्ट्रेलियामा रहेका कार्यक्रम आयोजकहरूले प्रबासी नेपालीहरूलाई नेपाल र नेपाली संस्कृतिको झझल्को दिने कार्यक्रमहरूको आयोजना गर्दै आइरहेका छन । यसैबीच फन्टास्टीक इभेन्टसले पनि सिड्नीमा लामो समयदेखी यस प्रकारको कार्यक्रमको आयोजना गर्दै आइरहेको छ ।

Leave a Reply

Your email address will not be published. Required fields are marked *