“कला संस्कृति संरक्षण हाम्रो अभियान !!
उत्पादनले दिन्छ राष्ट्रको पहिचान !!!”
नेपाल गाँजा बैधानिक महाअभियानले नेपाल सरकारको यस सदनको अन्तिम बिशेष बजेट सत्र चलिरहदा आफ्नो “Direct 60 days action” कार्यक्रमको सुरूवात गरी नेपाल भरिबाट गाजाँ वैधानिकताका लागि १० लाख हस्ताक्षर संकलन आभियान संसद भवन बानेश्वरबाट सुरूवात गरि नेपालको ७७ जिल्लामा हस्ताक्षर अभियान घोषणा गरेको चौथो दिन संसद भवनमा बिषेश कार्यक्रम चलिरहेको थियो । संसद भवनमा संसदहरु प्रधानमन्त्री र राष्ट्रपति को पर्खाईमा थिए। काठमाडौंको चुनावी परिणामले भित्र भित्रै तातीरहेको संसद भवन एका एक फेरि तातियो। कारण थियो ठूलाठूला व्यवस्था परिवर्तन हुँदा पनि नरेकिएका सम्मानिय प्रधानमन्त्री र राष्ट्रपतिको सवारी रोक्ने प्रयास गरियो, जसका कारण राष्ट्रिय सुरक्षा व्यवस्थ खलबलियो । आन्दोलनकारीरुले केबल बानेश्वर चोकमा प्रधानमन्त्रीको सवारी रोकेर संसद तताईदिए । ती सवारी रोक्ने न अपराधी थिए न राजनैतिक झोले कार्यकर्ता … उनीहरू थिए नेपालमा गाँजा बैधानिकताका अग्रज अभियन्ता जोशेफ कोइराला, रबिन्स डाङ्गी र मारी जेईनिस्ट। बालेन्द्र शाहलाई हल्का रुपमा लिएका ठूला राजनीतिक दललाई काठमाडौँ गुमाएको शोक मनाउन नपाउदै गाँजा वैधानिकता माग गरिरहेका आभियन्तालाई नेताहरुले सामान्य गफको रुपमा लिने गरेको तथा गाँजालाई आफ्नो राजनैतिक दाउका रुपमा प्रयोग गरिरहेका र गाँजा आभियन्तालाई आफ्नो फाईदाको रुपमा प्रयोग गर्न खोज्ने नेतृत्वलाई समेत गाँजा वादिहरूले जरै देखि हल्लाई दिएका छन् । अझै कति राजनीतिक पार्टीका नेता, कार्यकर्ता, राजनीतिक विश्लेषक, राजनितीक पण्डित आदिको पैताला हल्लीने छ जब उनिहरुको टेबलमा पुग्नेछ सही रिपोर्ट “नेपालमा स्वतन्त्र उम्मेदवारको बिजयमा गाँजा वादीहरूको २६% योगदान”
गाँजा वैधानिक महाअभियान र शेरबहादुर को सम्बन्ध
आफू चुनावमा सफल भए पनि पार्टीको एउटा पङ्क्ति असन्तुष्ट रहदा पनी सम्मानिय प्रधानमन्त्री शेरबहादुर देउवाले आफ्नो योजना अनुसार भरतपुर र पोखरा महानगर जितायरै छाडे । भलै शेरबहादुरले काठमाडौंको साचो के.पी ओलीलाई दिएर राजनीतिक सन्तुलन मिलाउन प्रयास गरेको भने बालेन्द्र शाहले तुआईदिए। गुमाई सकेको काठमाडौंलाई गुमाउदा उनको जोड, घटाउमा कुनै असर परेन तर सोचे जस्तै नतिजा निस्केन भन्नेहरुलाई थाहै भएन निर्वाचन नतिजा उनले सोचे जसरी ल्याए। केही बर्ष आगाडी गाँजा वैधानिक महाअभियानसंगको भेटमा औषधि, गाँजा वैधानिकताको पहल गर्ने विश्वास दिलाएका उनले त्यसपछी धेरै राजनीतिक घटनाक्रम बदलाबसँगै देशकै प्रधानमन्त्री भए लगत्तै राष्ट्रिय रुपमा बिरोध गरिएको MCC पास गराए तर आम जनताले माग गरेको गाँजाको बिषयमा मैन रहिरहे । त्यस घटनाक्रमलाई व्यबस्था गरेको नतिजा पाए शेरबहादुर देउवाले । उनलाई गाँजा अभियन्ताहरूले राष्ट्रकै सबैभन्दा सुरक्षित मानिएको सुरक्षा घेरा तोडेर बानेश्वरकोबिच सडकमा रोकेर उनलाई जनताभन्दा माथि कोही नभएको बुझाए । नेपाल प्रहरीले उक्त घटनाक्रमलाई आफ्नै कमजोरीका रुपमा स्वीकार गरे पनि तीनजना अभियन्तालाई पाँच दिन म्याद थप गरी थुनामा राख्नुले सहजरुपमै नेपाल प्रहरी राजनीतिक आडभरमा सञ्चालित छ र प्रहरी राजनीतिज्ञहरुको ईसारामा चल्छन र स्वतन्त्र पक्कै छैनन । यस कारण गाँजा आभियन्ताले नेपाल प्रहरीलाई सहजै आफ्नो मुद्दामा प्रहास्त गरेको बुझिन्छ। यसको प्रमाण राष्ट्रिय तथा अन्तर्राष्ट्रिय सञ्चारमाध्यममा सम्प्रेषण भएका समाचारबाट प्रष्टिन्छ । साथै यस घटनालाई भबिष्यले पक्कै बैज्ञानिक बिष्लेषण गर्नेछ।
गाँजा-वादीहरू अदृश्य राजनीतिमा, कारण राजनीतिक दल
चुनाव घोषणा अगाडी देखिनै गाँजा आभियन्ताहरू नेपालको बिभिन्न स्थानमा गाँजाको उत्पादन र महत्व बुझाउन कार्यक्रम गर्दै जाने क्रममा देशैभरिका युवालाई मतदाता परिचयपत्र, यसको महत्व र भविष्यमा मत अधिकारको प्रयोग र यसले ल्याउन सक्ने परिवर्तनका बारेमा समेत छलफल गराईरहेका थिए । आफुहरू नेता तथा सरकारी संम्यन्त्रका पदाधीकारीहरू बीचको भेटघाटका क्रममा सवै नेतृत्व तहका नेता तथा कर्मचारी गाँजाप्रती सधै सकारात्मक रहेको र आफ्नो स्थानबाट सहयोग गर्ने प्रतिबद्धता दिने तर मौका मिलेमा गाँजालाई हतियार बनाई राजनीतिक फाईदा लिने, बिदेश भ्रमण गर्ने तर जब गाँजा वैधानिक गर्ने कुरा आउँछ त्यति बेला घर, पार्टी र आफ्ना कार्यकर्ताको आर्थिक अवस्थाका कुरा गर्ने ।
धुमाउरो पारामा आर्थिक सहयोगको अपेक्षा गर्ने आदि कारणले आभियन्ताहरू आजित भएका र राजनीतिक तरिकाबाट गाँजा वैधानिक गरे पनि यो नेपालकै ठूलो आर्थिक उद्योग भईकन सम्पूर्ण फाईदा बिदेशी र दलालको हातमा पुग्ने सुनिश्चित देखेपछी
स्थानीय निर्वाचनबाट उनीहरू गाँजा वैधानिकता समर्थक, कृषक, अनुसन्धानकर्ता, बिभिन्न क्षेत्रका अभियन्ता, सिर्जनशिल युवा, नविन उद्यमी, वैदेशिक रोजगारमा रहेका नेपाली समुदाय लगायतमा गाँजा प्रतिको नकारात्मक प्रभाव हटाई यसलाई आत्मसाथ गर्दै निकट भविष्यमा गाँजा खेती र उत्पादनले नेपाललाई पुर्याउने आर्थिक सहयोगको बारेमा गम्भीर जानकारी गराउन सफल भए र यसको सानो तर गम्भीर परिणाम राजनैतिक पार्टीहरुले अनुभूत गरिसकेका छन् । तर गाँजा वादीहरू स्थानीय चुनाव मात्र होइन अब संसदीय चुनावमा धावा बोल्न तयार देखिन्छन र केहीले त उम्मेदवारी घोषणा समेत गरिसकेको अवस्था छ । जनतामाझ रहेको राजनैतिक बितृष्णालाई नै गाँजा आभियन्ताले शक्ति वनाएका छन् र आझै ठूला परिवर्तन हुने सङ्केत गर्दछन् । साथै गाँजा आभियन्ताहरू गाँजाको राजनैतिक प्रयोग गरेर आफूले फाईदा लिएका, आफूलाई युवा भन्ने तर न बिज्ञानको जानकार न परिवर्तनको पक्षधर यस्ता अदूरदर्शी नेतालाई आगामी चुनावमा मत परिणामले देखाइदिने तयारी गरेका छन् ।
अन्त्यमा,
युवा पुस्ता जागेका छन, पुराने पुस्तालाई आफूहरूले गरेको गल्ती महसुस गरेको अनुभव यस स्थानीय निर्वाचनले प्रमाणित गरेको छ। दुर दराजमा राजनितीक दाउपेचले बिकास रोके पनी प्रविधीको पहुँचले जनताले राजनीतिक गणित बुझेर बर्षौदेखी राजनीतिक किल्ला भनिएका र पकड क्षेत्र घोषणा गरिएका ठाउँको गणित मात्र होईन व्याकरण नै बिगारी दिएका छन् । वैदेशिक रोजगारीलाई नेपालको बाध्यता हो भनेर पुष्टि गरेर बर्षौदेखी नेपाली युवाको ज्यानसंग डलर साटी खान पल्केका राजनीतिक नेता तथा उनिहरूको आश्रयमा पलिएका दलालहरूलाई जनताले ठम्याई सकेका छन् । घुस खाएको, अपराधिक कृयाकलाप संलग्न भएको प्रमाणित व्यक्तिहरू बार-बार संसद, सवासद, राजनैतिक नियुक्ती हुने खेल जनतामाझ प्रष्ट भईसकेको छ । जनतालाई भोट र भाषणका लागि भिड ठानिरहेका नेतालाई जनताले जवाफ दिईरहेका तर पनि आफ्नो खोक्रो आडम्बर जोगाउन उनिहरु एक अर्कालाई दोषारोपण गर्दै आफैंलाई सिद्दाईरहेछन् ।
प्रविधीको उच्चतम प्रयोग, खोज तथा अनुसन्धान र आंकडाको विश्लेषण गरेर जोखिम व्यवस्थापन गर्ने युवासंग अब ढड्डा पल्टाउनू र प्रतिस्पर्धामा जानु नै पतनको बाटो बाहेक केही हुने छैन ।
“कला संस्कृति संरक्षण हाम्रो अभियान !!
उत्पादनले दिन्छ राष्ट्रको पहिचान !!!”