रुपन्देही जिल्लाको तिलोत्तमा नगरपालिकामा एक युवकको स्वीमिङ्ग गर्ने क्रममा डुबेर मृत्यु

रुपन्देही जिल्लाको तिलोत्तमा नगरपालिका–१ शंकरनगरका न्यू लाइट स्कूलका शिक्षक ३० वर्षीय सन्दिप पौड्यालको स्वीमिङ्ग गर्ने क्रममा डुबेर मृत्यु भएको जिल्ला प्रहरी कार्यालय रुपन्देहीका प्रहरी प्रवक्ता नवरत्न पौडेलले बताउनुभएको छ । पौड्याल सोमबार तिलोत्तमा नगरपालिका–३ स्थित बीग चियर रिसोर्टको स्वीमिङ्ग पुलमा पौडी खेल्ने क्रममा डुबेर बेहोस भएका थिए । उनको उपचारको क्रममा मृत्यु भएको प्रहरी जनाएको छ ।