प्रवास अर्थात् बिदेशमा रहेका युवाहरूलाई लक्षित गरी नेप्सिड्नी राईडर्सले सिड्नीमा ‘बबाल नाईट‘ आयोजना गर्ने भएको छ । स्टेप बाई स्टेप कन्सल्टेन्सिको मूख्य प्रायोजनामा यही आउदो जुलाई १० अर्थात आईतबार सिड्नीको सार्क होटलमा साँझ ८ बजे कार्यक्रम आयोजना गर्न लागिएको हो ।
‘बबाल नाईट’मा चर्चित गायिका अस्मिता अधिकारी र गायक महेश काफ्लेको साथमा मुक्ति र रिभाइभल ब्याडलेले आफ्नो प्रस्तुति दिनेछन् । कार्यक्रमलाई डोमा तामाङ्गले होस्ट गर्नेछिन् । उक्त कार्यक्रमबीच सिड्नीमा लाईभ म्युजिक, बिभिन्न प्रकारका नृत्य, डिजे, आदि संगै अन्य बिभिन्न कार्यक्रमहरू समेत समावेश रहेको आयोजकले बताएका छन् ।
नेपाली कला संस्कृति अनी व्यस्त समय बिच केही रमाइलो एवं नौलोअनुभव साटासाट गर्ने उद्देश्यले कार्यक्रम अझ रमाइलो बनाईने आयोजक टिमले बताएको छ । आयोजक संस्थाले नेपाली समुदायबिच बिगत लामो समयदेखी बिदेशमा रही रहदा नेपाली संस्कृतिलाई अझ व्यापक प्रचार र प्रवद्धन गर्ने, बिदेशी व्यस्त जीवन शैलीलाई केही समयको लागि भएपनि रमाइलो अर्थात मनोरंजन गरेर समूदायमा रहेका नेपालीहरू बिचको पारिवारिक भेटघाट गर्नका निम्ति यस कार्यक्रमको आयोजना गरिएको साथै कार्यक्रमलाई भव्य र सफल बनाउनका निमित्त अझै कसरी थप रमाइलो र व्यवस्थित गर्न सकिने कुरामा बिशेष ध्यान र गृहकार्य जारी रहेको नेप्सिड्नी राईडर्सका संयोजक पियुश क्षेत्रीले बताउनु भएको छ ।
कार्यक्रममा प्रवेश शुल्क ३० डलर रहेको छ भने उमेर हद १८ वर्ष माथि हुनु पर्ने बताईएको छ । कार्यक्रममा समावेश हुनका लागि परिचयपत्र अनिवार्य गरिएको छ । ‘टिकेटप्लस’ बाट कार्यक्रमको टिकेट लिन सकिनेछ ।
उक्त कार्यक्रमको रेमिट पार्टनरतर्फ ‘लेगल रेमिट’, प्ल्याटिनम पार्टनरतर्फ ‘भर्सटाईल एजुकेशन एण्ड माईग्रेशन’ र हस्पिटालिटि पार्टनरतर्फ ‘मुलाचोक किचेन’ रहेका छन् । त्यसैगरी गोल्ड प्रायोजकमा ‘क्यापेला क्लिनिङ्ग सर्भिस’, ‘प्रोपर्टी प्लस एम्पाएर’, ‘एक्स्ट्राटेक’ र ‘शेर्पास ब्रेविंग कम्पनि’ रहेका छन् भने ‘नेपालीलाई काम’, ‘वेस्ट साईड’, ‘औस्ल्याण्ड’, ‘गब्बर इण्टरटेन्मेण्टस’, ‘विनर्स सर्कल’, ‘औस्माण्डौ’, ‘कमेरो ईभेण्टस’, ‘कलर्स अफ नेपाल’ र ‘टु एन नमस्ते नेपाल’ को विशेष सहयोग रहेको छ । साथै मिडिया पार्टनरमा ‘thetruekhabar.com’, फोटोग्राफी पार्टनरमा ‘संगम फोटोग्राफी’, ‘पिक्चर रोफिल’ र टीकेटिङ्गतर्फ ‘अर्बिट इन्टरनेसनल’ रहेको छ ।
