सारा ईभेन्ट्स एण्ड ईन्टरटेन्टमेन्ट अष्ट्रेलियाले पहिलो पटक सागींतिक कार्यक्रम गर्ने भएको छ । हिन्दु धर्मावसम्बी महिलाहरूको महान चाड हरितालिका तिजको अवसर पारेर साराले तिज इन स्टाइल नामक कार्यक्रम आयोजना गर्ने भएको छ। आईतबार अगष्ट १४ तारिखदिउँसो ३ बजेदेखि न्यू साउथ वेल्स राज्यको सिड्नी शहर स्थित ग्रयानभिल सबर्बमा रहेको हिमालय प्यालेसमा कार्यक्रम हुने भएको छ ।
कार्यक्रममा नेपालका चर्चित कलाकारहरूको प्रस्तुति सॅगै अन्य मनोरन्जनात्मक कार्यक्रमहरू हुने सारा ईभेन्ट्स एण्ड ईन्टरटेन्टमेन्टका संस्थापक सबला बस्नेतले द ट्रु खबरसॅगको संवादका क्रममा जानकारी दिनुभयो ।
कार्यक्रममा चर्चित लोकदोहोरी गायक एवम् सर्जक शिव हमाल,पुरुषोत्तम गैरे, गायिका मेलिना राई, सन्ध्या कोईराला लगायतलेदर्शकहरुलाई आफ्नो प्रस्तुती दिनेछन् । त्यस्तै चर्चित नृत्याङ्गाना दिपाशा विश्वकर्माले नृत्य प्रस्तुत गर्ने बताईएको छ । त्यस्तै सोही अवसरमा कलाकारहरुबीच रोचक लाईभ दोहोरी समेत हुनेछ ।
अष्ट्रेलियामा आएर नेपाली युवाहरुले आफ्नो करियरसगैं सामाजिक तथा अन्य विभिन्न कार्यक्रमहरुमा सहभागी हुने उद्धेश्यले साराको स्थापना भएको र यसले नेपाली गीतसगींतको प्रवद्र्धन गर्ने कार्य गर्ने संस्थापक बस्नेतले बताउनुभयो ।
यस संस्था मार्फत नेपाली युवावर्गमा देखिने चिन्ता, तनाव, डिप्रेसनजस्ता समस्याहरूलाई मनोरन्जन को माध्यामबाट केहि हदसम्म हल गर्न मदत पुग्ने साराका संस्थापक बस्नेत र उनको टिमको भनाई छ। संस्थाको सोही उद्धेश्य बमोजिम पहिलो कार्यक्रमको रूपमा सागींतिक कार्यक्रम आयोजना गरिएको भन्दै उनले उपस्थितिका लागि सबैसगं आग्रह गरिन् । साथै यस संस्थाले आगामी दिनहरूमा अरू मनोरन्जनात्मक, सामाजिक एकता, र आपसी भाइचारा बढाउने खालको कार्यक्रमहरू पनि ल्याउने बस्नेत र उनको टिमले प्रतिबद्दता जनाएका छन् ।