‘दुखी आत्मा’को ‘ब्रेकअप कविता’ सार्वजनिक

Bythetruekhabar

३ माघ २०८१, बिहीबार १२:०६ ३ माघ २०८१, बिहीबार १२:०६ ३ माघ २०८१, बिहीबार १२:०६ #आँचल शर्माको, #ब्रेकअप कविता’

‘माया, तिमी यसलाई एक घटना सम्झ ।
विन्ती यसलाई दुर्घटना नसम्झ ।
सम्झ सायद,
यसरी छुट्नु नै भएको थियो भेट हाम्रो ।’

माथि उल्लेखित कविताको हरफ फागुनको २ गतेबाट सार्वजनिक प्रदर्शनमा आउन लागेको फिल्म ‘दुखी आत्मा’मा समावेश गरिएको छ । कवि श्रवण मुकारुङले लेखेका १० वटा कविता फिल्ममा समावेश छन् । जसमध्ये, यसको निर्माणपक्षले पहिलो कविता सार्वजनिक गरेको छ । जसलाई ‘ब्रेकअप कविता’को रुपमा सार्वजनिक गरिएको छ ।

सार्वजनिक कवितामा दयाहाङ राईको आवाज सुन्न पाइन्छ । सार्वजनिक भिडियोमा अभिनेता राई अभिनेत्री आँचल शर्माको अगाडि बसेर कविता सुनाइरहेका छन् । आँचल उनले सुनाएको कविता ध्यान दिएर सुनिरहेकी छिन् । यसले, फिल्ममा दया कतै कविको भूमिकामा त छैनन् भन्ने पनि अड्कल लगाउन सकिन्छ । क्लक वर्क क्रियशनको व्यानरमा निर्माण भएको यो फिल्मलाई हिमाल कडरियाले निर्माण गरेका हुन् । फिल्ममा दीपेन्द्र लामाको लेखन तथा निर्देशन छ ।

सुदिप ढकाल कार्यकारी निर्माता रहेको फिल्ममा आलोक शुक्लाको छायांकन, निमेष श्रेष्ठको सम्पादन छ । फिल्ममा अनुप विक्रम शाही, वुद्दि तामाङ, रेयर राई, पुष्कर गुरुङ, कविता आले लगायतका कलाकारको अभिनय छ । फिल्ममा रामजी लामिछानेको नृत्य निर्देशन छ । यो फिल्मलाई निर्माणपक्षले एडल्ट ड्रामा भनेको छ । फिल्मको टिजर सार्वजनिक भएपछि यसको चर्चा ह्वात्तै बढेको छ ।

Leave a Reply

Your email address will not be published. Required fields are marked *