स्वस्थ्य रुपमा नियमित प्राकृतिक यौनसम्पर्क गर्ने जोडिका लागि खुशीको खवर हुन सक्छ । हालैको एक अनुसन्धानको नतिजा इटालीका अनुसन्धानकर्ताहरुले गरेको एक अनुसन्धानले नियमीत रुपमा यौनसम्पर्क गर्ने पुरुषहरुको शरीरमा रोगप्रतिरोधात्मक क्षमतामा बृद्धि भएको पाइएको छ । सोही अनुसन्धानले यौनसम्पर्कमा साथ दिने पार्टनर अर्थात महिलाको शरीरलाई पनि लाभ हुने बताएको छ ।
अनुसन्धानकर्ताहरुका अनुसार नियमीत यौन सम्पर्क गर्ने पुरुषको टेस्टोस्टेरोनको मात्रा बढ्छ । यसले रोग प्रतिरोधात्मक क्षमता बढाउनुको साथै मुटुसम्वन्धी रोग लाग्नमा समेत कम गर्छ । प्राय पुरुषहरु मुटुसम्वन्धी रोगले बढी प्रभावित हुने भएकोले पनि नियमित यौनसम्पर्क उनीहरुका लागि बढी लाभकर हुने देखिएको छ । यद्धपी महिलाहरुका लागि पनि त्यसले उत्तिकै लाभ पुर्याउछ ।
त्यसैगरी अनुसन्धानकर्ताहरुले नियमीत यौनको सकारात्मक प्रभाव मधुमेहका विरामीहरुमा समेत परेको बताएका छन् । उनीहरुले भनेका छन् ,‘ नियमित यौनसम्पर्कले शरीरमा चिनीको मात्रा नियन्त्रण हुन्छ र यसले मधुमेहका रोगीहरुलाई राहत प्रदान गर्छ ।’ तर अनुसन्धानकर्ताहरुले यौनसम्पर्क गर्दा पाटनरबीचको समझदारीलाई भने मुख्य प्राथमिकतामा राख्नुपर्नेमा जोड दिएका छन् । उनीहरुले यदि यौनसम्पर्कमा कुनै पाटनरको चाहना विपरीत हो भने त्यसले सकारात्मक भन्दा नकारात्मक असर पुर्याउन सक्छ ।
अनुसन्धानमा संलग्न डा. रोजेलि भन्छन, ‘नियमित यौनसम्पर्कले पुरुषलाई शारीरिक र मानसिक लाभ पुग्छ तर यसका लागि दुवै अर्थात पुरुष महिला यौनप्रति इमानदार रहनुपर्छ । नत्र त्यसले विपरीत असर गर्न पनि सक्छ ।’ उनले विवाह पहिलै सम्बन्ध राख्ने पुरुष तथा एकभन्दा बढीसाथीसँग यौनसंसर्ग गर्ने पुरुलाई भने यौनसम्पर्क लाभकारी नरहने बताएका छन् । किनकी एकभन्दा बढी साथीसँग अन्तरंग सम्बन्ध राख्ने पुरुषमा मानसिक तनाव बढी हुने र हीन भावनाले ग्रसित हुने हुने भएकाले शरीरमा टेस्टोस्टेरोनको उत्पादन कम हुन्छ । त्यसको कमीले स्वस्थमा लाभ हुदैन । अनुसन्धानले त्यस्ता व्यक्तिका लागि विभिन्न खालका यौनरोगको खतराको सम्भावना पनि बढी बताउछ । यौनसम्पर्क पनि बिहानीको समयमा गर्दा ज्यादा फाइदा लिन सकिने व्रिटेनको वेलफास्टको क्विन्स विश्वविद्यालयमा गरिएको अनुसन्धानले देखाएको छ ।
त्यसो त नियमित यौनसम्बन्धले शुक्रकिटको गुणस्तरमा समेत सुधार हुनुका साथै प्रजनन क्षमता समेत बृद्धि हुने अस्टेलियाली बैज्ञानिकद्धारा सन २००७ मा गरिएको एक अध्ययनले देखाएको थियो । अध्ययन अनुसार धेरैजसो पुरुषमा हुने शुक्रकिटको डिएनएमा हुने क्षतिलाई नियमित यौन सम्पर्कले हटाउने तथा रक्तचाप नियन्त्रण गर्न र मोटोपना नियन्त्रण गर्न समेत सहयोगी हुने देखिएको थियो । उता बेलायतमा करीव ३ हजार व्यक्तिमा गरिएको हालैको एक सर्भेक्षणले हरेक १० मध्ये एक महिला मोटोपनको सिकार हुने गरेको भेटिएको थियो । उनीहरुलाई मोटाउने कारणबारे बुझदा आफ्नो यौनजीवन रुखो हुने गरेको बताएका थिए । मोटामध्ये अधिकांशले बर्षदिन सम्म एक पटक पनि यौनसम्पर्क गर्न नपाएको खुलाशा गरेका थिए ।