नेपालमा २३९८ जना नयाँ संक्रमित थपिएका छन् । स्वास्थ्य तथा जनसंख्या मन्त्रालयका अनुसार विगत २४ घण्टामा आरटी पीसीआर परिक्षण गर्दा १६३९ जना र एन्टिजन परिक्षण गर्दा ७५९ जना गरि जम्मा २३९८ जना नयाँ संक्रमित थपिएका हुन् ।
योसंगै नेपालभर कोरोना संक्रमितको संख्या ६ लाख ५८ हजार ७७८ रहेको छ । संक्रमित मध्ये ६ लाख २३ हजार १०५ जना निको भएर घर फर्किसकेका छन् । हाल संक्रिय संक्रमितको संख्या २६ हजार २६१ रहेको छ । पछिल्लो २४ घण्टामा २०७८ जना कोरोनामुक्त भएका छन् भने मृतकको संख्या १२ रहेको छ । हालसम्म मृत्यु हुनेको संख्या ९४१२ पुगेको छ ।