नेपाली राष्ट्रिय क्रिकेट टोलीका प्रशिक्षक डेभ ह्वाटमोरले व्यक्तिगत कारण देखाउँदै इमेलमार्फत राजीनामा दिएका छन् । प्रशिक्षक ह्वाटमोरले कोरोनाका कारण परिवारसँग टाढा रहनुपर्दा केही कठिनाई भएको बताउदै अर्थात व्यक्तिगत कारण देखाउँदै इमेलमार्फत आफ्नो पदबाट राजीनामा घोषणा गरेका हुन् ।
उनले काम गर्ने इच्छा हुँदाहुँदै पनि पद छोड्नुपरेको अवस्था रहेको भन्दै
ओमान भ्रमणपछि प्रशिक्षकले पद छाड्ने जानकारी दिएका छन् । ह्वाटमोरको नेतृत्वमा नेपालले घरेलु मैदानमा आयोजित त्रिकोणात्मक सिरिज पनि जितेको थियो । उक्त सिरिजमा युवा खेलाडीले उत्कृष्ट प्रदर्शन गरेपछि ह्वाटमोरबाट निकै आशा गरिएको थियो । ह्वाटमोरले आफ्नो सम्झौता अवधिको तीन महिना बाँकी रहँदा नै पद छाड्ने निर्णय लिएका हुन् । उनको राजीनामाले भने ओमान भ्रमणलाई असर नगर्ने बताइएको छ ।