रुपन्देही सामाजिक संजाल अष्ट्रेलियाले बुटवलको शिद्धार्थ महिला तथा वाल अस्पताल (आम्दा अस्पताल)लाई ७ लाख ४६ हजार ५० रुपैया वरावरको प्यासन मोनिटर हस्तान्तरण गरेको छ । आईसियु कक्षमा भर्ना भई उपचार गरिरहेका विरामीको उपचारमा सहज हुने विश्वाससहित संजालले प्यासन मोनिटर हस्तान्तरण गरेको हो ।
२९ अगस्ट आईतवार एक कार्यक्रमबीच संजालका प्रतिनिधि काशीनाथ काफ्लेले अस्पतालका मेसु डा. राजेन्द्र प्रसाद वस्याललाई मोनिटर हस्तान्तरण गरेका हुन् । सो अवसरमा कार्यक्रमका प्रमुख अतिथि समेत रहेका अस्पतालका मेसु डा राजेन्द्र प्रसाद वस्यालले जापानी जनताको सहयोगमा निर्माण भएको अस्पताल अहिले आन्तरिक तथा वाह्य सहयोगबाट संचालनमा रहेको बताए । उनले अष्ट्रेलियामा रहेका नेपालीहरुबाट अस्पतालमा सहयोग पाउदा निकै खुसी लागेको भन्दै धन्यवाद ज्ञापन गरे ।
संस्थाका अध्यक्ष ईश्वर पोखरेलको अध्यक्षतामा सम्पन्न भएको हस्तान्तरण कार्यक्रममा अध्यक्ष पोखरेलले विरामीले उपचार सेवा पाउने संस्थालाई सहयोग गर्न पाउदा खुसी लागेको बताए । अष्ट्रेलियामा रहेका नेपाली विद्यार्थी, व्यवसायी र कर्मचारीबाट एक एक रुपैया गरी संकलन गरिएको सहयोग राशीले विरामीको उपचारमा सहयोग पुग्ने उनको विश्वास छ । उनले सामाजिक उत्तरदायीत्व अन्तर्गत आगामी दिनमा पनि सहयोग गर्ने प्रतिवद्धता समेत जनाए ।
कार्यक्रममा संजालका महासचिव दिवाकर काफ्लेले संजालले अहिले सम्म गरेको कार्यको वारेमा जानकारी दिदै कर्मको लागि विदेशी भूमिमा रहेपनि आफ्नो मूलुकको माया लागेर नै सहयोग कार्यलाई जारी राखिएको बताए ।
आम्दा अस्पतालका प्रशासन प्रमुख ध्रुव श्रेष्ठद्वारा संचालित उक्त कार्यक्रममा जुम मार्फत अष्ट्रेलियाका संचालका पदाधिकारी तथा सदस्यहरु जोडिएका थिए । कार्यक्रममा संस्थापक अध्यक्ष राज खनाल,पूर्व अध्यक्ष कृष्ण गैरे, सल्लाहाकार डा प्रकाश पौडेल, उपाध्यक्ष रोशन कोइराला,सदस्य सरोज पान्डे, रन्जिता भन्डारी, एवं पूर्व पदाधिकारी तथा सदस्यहरु जोडिएका थिए । परिवारका प्रतिनिधि, प्राविधिक, स्वास्थ्य क्षेत्रमा कार्यरत कर्मचारी, चिकित्सक, एवं पत्रकारहरुको उपस्थिती थियो ।
अन्लाईनमा सम्पन्न भएको उक्त हस्तान्तरण कार्यक्रममा संयोजक मुक्तिराम पोखरेलले स्वागत मन्तव्य प्रस्तुत गर्दै कार्यक्रमको उद्धेश्यबारे प्रकाश परेका थिए । विरामीहरुको उपचारमा सहज होस् भन्ने उद्धेश्यले ७ लाख ४६ हजार ५० बराबरको ५ वटा मोनिटरहरु प्रदान गरेको संस्थाका कार्यक्रम संयोजक तथा कला साहित्य तथा सांस्कृतिक संयोजक पोख्रेलले जानकारी दिए । उक्त विद्युतीय डिभाइसको सहायताबाट शरीरको तापक्रम, ब्लड प्रेसर, मुटुको धडकन, शरीरमा भएको अक्सिजनको मात्रा इत्यादि नाप्न सकिन्छ ।
सन २०१५ मा स्थापना भएको उक्त संजालले कोभिड प्रभावितहरुलाई राहत वितरण, तिलोत्तमामा यौन हिंसामा परेका वालिकालाई सहयोग, क्यान्सर पिडितहरुलाई सहयोग, भुकम्पपिडितहरुलाई एनआरएन मार्फत सहयोग, मणिग्राम स्थित आत्मशान्ति अनाथ आश्रम, नेपाल अपाड्ग आश्रममा सहयोग गरी सकेको छ ।
