विनर्स सर्कल मिडियाले “एन्जल्स अफ लाइफ” कोषको स्थापना गरेको छ । स्पाइनल मस्कुलर एट्रोपी (SMA)बाट पीडित उस्मान अलीको लागी खर्च जुटाउन विनर्स सर्कल मिडियाले कोषको स्थापना गरेको हो ।
उस्मान एउटा सानो बच्चा हो । तनंहु जिल्लाको मध्यम परिवारमा जन्मिएका उस्मानको परिवारको आर्थिक पृष्ठभूमि अति नै कमजोर छ । उस्मानको (SMA1) उपचारको लागी २.८ मिलियन डलर खर्च हुने भएपछि उनका परिवारका सदस्यहरु विश्वभरिका मानिसहरुलाई सहयोगका लागी अपिल गरिरहेका छन् । परिवारले यति ठुलो रकम जुटाउन नसक्ने भएकाले विनर्स सर्कल मिडियाले “एन्जल्स अफ लाइफ ” कोष स्थापना गरेर केही हदसम्म यो पर्खालमा एउटा ईंट्टा थप्ने काम गरेको छ ।
यी “नोबल एन्जिल्स “ महान मनुष्य हुन् र उस्मान अलीको उपचार को लागी आफ्नो जीवन बचाउनको लागी रकम जुटाउन समर्पित छन् । “एन्जल्स अफ लाईफ ” परियोजना एउटा त्यस्तो अद्धितीय अनुदान सन्कलन तरिका हो, जहाँ ” नोबल एन्जेल्स ” लाई सङठनमा एक स्वयमसेवीको रुपमा भर्तीसमेत गरिन्छ । उस्मान अलिको जीवन बचाउनका लागी उपचार खर्च जुटाउन मदत गर्ने ” नोबल एन्जेल्स ” हरु महान हुन् । ” नोबल एन्जेल्स ” को सदस्यता लिएकाहरुले आफै कोष स्थापना गरि अनुदान सन्कलन गरेर विनर्स सर्कल मिडीयाको खातामा जम्मा गर्न सक्नेछन् ।
एक “नोबल एन्जेल्स “ ले कुल १०० अस्ट्रेलिय डलर सम्म सन्कलन गर्नुपर्ने हुन्छ । १०,००० डलर अस्ट्रेलियन डलर सन्कलन गर्ने लक्ष्यसहित जम्मा १०० “नोबल एन्जेल्स” को लागि सदस्यता अर्थात भर्ना आह्वान गरिएको छ ।