नेपालस्थित चितवन जन्मघर (थात थलो) भई अस्ट्रेलिया वसोवास गर्नुहुने सम्पूर्ण चितवनवासीहरुको गौरवमय संस्था ‘चितवन समाज अस्ट्रेलिया’को मनोनित केन्द्रिय सदस्य एवं सफल युवा उधमी कुशल के.सी. महासचिव पदमा नियुक्त भएका छन् । २१ अगष्टमा पूर्णनाथ घिमिरेको अध्यक्षतामा संचालन गरिएको अनलाईन (जुम) बैठकले सलिन स्वभावका के. सी. लाई महासचिव पदमा नियुक्त गरेको हो ।
लामो समयदेखि अस्ट्रेलियाका बिभिन्न संघसस्थामा आबद्ध हुदै आएका कुशल के. सी. २००९ मा अस्ट्रेलिया आएका थिए । पेसाले रजिष्टर्ड माइग्रेसन एजेन्ट रहेका उनी २०११ देखि नै एनआरएनको राजनीतिमा सक्रिय रुपमा लागेका हुन् । आफू महासचिव जस्तो गरिमामय पदमा नियुक्त भएकोमा उनले खुशी व्यक्त गरेका छन् ।
द ट्रु खबर सँग कुरा गर्दै उनले भने, ‘जन्मथलो नेपाल भए पनि कर्मथलो अस्ट्रेलिया भयो । परोपकार काममा त म पदविना पनि २०२१ देखि लागी नै रहेको छु ।’ सेवा गर्न कुनै पदको आवश्यक नहुने बताउदै उनले अगाडी भने, ‘मेरो मूल्य- मान्यतालाई कदर गरेर मलाई यो जिम्मेवारी दिनु भएका सम्पूर्ण अग्रजहरुलाई धन्यवाद दिन चाहन्छु ।’
द ट्रु खबरको तर्फबाट कुशल के. सी.लाई हार्दिक बधाई तथा सफल कार्यकालको हार्दिक मंगलमय शुभकामना !!