कोभिड १९ को लहर जारी हुनाले देशमा लकडाउन भएको छ । यस लकडाउनले हाम्रो जीवनशैलीलाई निकै प्रभाव पारेको छ । हामीमध्ये धेरैले घरबाटै काम गरीरहेका छौं । ७२ घण्टाको लकडाउनपछि नर्दन टेरिटोरी भर्खरै लकडाउनमुक्त भएको छ । यधपी लकडाउनको पोजेटिभ पक्ष हेर्ने हो भने, नयाँ सिप सिक्ने, आफ्ना रुचिहरु पुरा गर्ने र आफुमा भएका कलाहरु प्रस्तुत गर्ने यो सुनौलो मौका हो । यस्तो विषम परिस्थितिमा पनि एक अर्कासङ्ग जोडिरहनका लागी साथै आफूभित्र भएको कलालाई खोज्नका लागी ‘लेट्स डान्स ग्रुप‘ ले ‘तीज डान्स कन्टेस्ट’ आयोजना गरेको छ । आउदै गरेको तीजलाई मध्यनजर गर्दै फेसबुक ग्रुप ‘लेट्स डान्स‘ले तीज विशेष “तीज नृत्य प्रतियोगिता” अर्थात ‘तीज डान्स कन्टेस्ट’को आयोजना गरेको हो ।

२३ अगस्ट देखि संचालन भईरहेको उक्त कार्यक्रमको प्रमुख प्रायोजक ‘ओएसिस एजुकेशन एण्ड माईग्रेसन’ रहेको छ भने ‘सास कलेक्सन’, ‘मुस्ताङ्ग ग्रोसरी एण्ड बुचर्स’, ‘संसिल हेयर एण्ड ब्रो स्टुडियो’ र ‘बेसाईड इन्टरनेसनल कलेज’ सह- प्रायोजकको रुपमा रहेका छन् । प्रतियोगीता १२ सेप्टेम्बर बेलुकी सात बजेसम्म संचालन हुनेछ ।

No description available.

प्रतियोगीतामा सहभागी हुनका लागी परम्परागत पोशाकमा नृत्य गरेर टिकटक भिडीयो पोस्ट गर्नुपर्नेछ । भिडीयो ३ मिनेट भन्दा बढी हुनुहुँदैन । साथै भिडीयो आफ्नै फेसबुक अकाउण्टबाट पोष्ट गर्नुपर्ने हुन्छ । सबै प्रतियोगीहरु फेसबुक ग्रुप ‘लेट्स डान्स‘को सदस्य हुनुपर्नेछ । त्यस्तै, १८ बर्षभन्दा माथीका पुरुष- महिला दुबैले प्रतियोगितामा भाग लिन पाउनेछन् । सबै प्रकारका भिडियोहरु (एकल, ग्रुप वा जोडी) मान्य हुनेछन् । कुनै पनि आपत्तिजनक भिडियो/ कमेन्ट भेटिएमा डिलिट गरिनेछ वा प्रयोगकर्तालाई ब्लक गरिनेछ ।

भिडीयोमा आएको अधिकतम रियाक्ट अनुसार बिजयी, फस्ट रनर-अप र सेकेण्ड रनर-अप घोषणा गरिनेछ भने एडमिन प्यानलबाट दुईजना उत्कृष्ट पफर्मस छनौट हुनेछन् । साथै बाँकी भिडीयोहरु रोमाञ्चक पुरस्कारको लागी लकि ड्रमा जाने छन् । ‘लेट्स डान्स‘मा पोष्ट गरिएको भिडियोमा आएका रियाक्टहरु मात्रै गणना हुनेछन् भने १२ सेप्टेम्बरमै बिजेता घोषणा गरिनेछ ।

कार्यक्रमको मिडीया पार्टनरमा द ट्रु खबर, पूरा खबर र एएनजेट खबर रहने छन् । त्यसैगरी कार्यक्रममा ‘डार्विनमा काम’, ‘अस्पाली’, ‘मेलबर्न-नेपाल’, ‘हक इन्साईट’ र ‘पेरू रेमिट अष्ट्रेलिया‘ को बिशेष सहयोग रहने छ ।

 

Leave a Reply

Your email address will not be published. Required fields are marked *