युवाहरुद्वारा संगठित विनर्स सर्कल तास्मानियाले आयोजना गर्न लागिरहेको दशैँ विशेष कार्यक्रम ‘दशैँ धमाका म्युजिकल नाईट’ को चर्चा अहिले तास्मनिया भरि छाएको छ । ग्लोबल मार्क एजुकेशन एण्ड भिजा सर्भिसेजको मूख्य प्रायोजनमा अक्टोवर ९ तारिखका दिन सु-प्रसिद्ध होटल ग्राण्ड चाव्सलारमा हुन् गईरहेको छ ।
यतिबेला अष्ट्रेलियाका अन्य राज्यहरु कोभिड महामाहरीका कारण बन्द अवस्था रहिरहँदा होबार्टमा भने धमाकाले दशैको माहोल चर्काएको छ । होबार्टका हरेक ग्रोसरी स्टोर देखि अन्य नेपाली एवं भारतीयद्वारा संचालित व्यवसायमा धमाका कार्यक्रमका पोस्टर एवम् निमन्त्रणा देख्न पाईन्छ ।
यस कार्यक्रमको मूख्य आकर्षण भनेको लाईभ म्युजिक अनि डि. जे. रहेको छ । नेपालका चर्चित गायक बादल प्रसाई, चर्चित ब्याण्ड ‘अर्थ’ सहित करिब १७ जना स्थानीय कलाकारहरुको भव्य टोलिले यस कार्यक्रममा प्रस्तुति दिनेछन् ।
‘अस्ट्रेलियामा लामो समय पछि यसरी भव्य कन्सर्ट हुदैछ, हामी निकै नै हर्षित छौ । विनर्स सर्कल टिमको साथ् र सबैको मायाले काम गर्न उर्जा मिलेको छ । यस कार्यक्रमबाट हामी तास्मनियाबासी नेपालीहरुमा दशैको मेलाको झल्को भेटाउने छौ ।’ विनर्स सर्कल तास्मनियाको एडमिन साजन परियार बताउनुहुन्छ ।
‘युवा, संस्कार र संस्कृतिको प्रबर्द्धनका लागि हामि सदैव तत्पर छौ । युवाहरु साथीहरुको जोशले हामीलाई पनि काम गर्न उर्जा मिलेको छ । सबै मिली हामी यसलाई भव्य र सभ्य रुपमा सफल पार्नेछु ।’ ग्योबल मार्क एजुकेशन एण्ड भिजन निर्देशक अरूण चित्रकार बताउनुहुन्छ ।
कार्यक्रमको गोल्ड स्पोन्सरमा माल्दिनी इटालियन क्याफे एण्ड रेस्टुरेण्ट, सिल्भर स्पोन्सरमा डिबि सर्भिसेज ग्रुप र ब्रोन्ज स्पोन्सरमा मूनलाईट सुपरमार्केट होबार्ट र मनीक्वेस्ट रहेका छन् । यस्तै कार्यक्रममा प्रिमो एजुकेसन एण्ड भिजा सर्भिसेज, सर्टिफ़ाई सर्भिज, एसआर स्टुडियो, तास्माण्डु क्रिकेट क्लब, काम कोठा र सोल सिस्टर्सको बिशेष सहयोग रहेको छ । कार्यक्रममा द ट्रु खबरको पनि मिडिया पार्टनरको रूपमा सहकार्य रहेको छ।
विस्तृत जानकारीका लागी दिईएको नम्बरमा सम्पर्क गर्नुहोला :
साजन परियार : ०४३५ ६६४ २१२
विवेक श्रेष्ठ : ०४०५ ४७१ ०१९
गोपाल न्यौपाने : ०४०५३९२१५५
