कांग्रेस मा विचार समुह भन्दा स्वार्थ समुह हावी हुनु स्वार्थी समुह कै वरिपरि नेतृत्व घुमिरहनु नै नेपाली कांग्रेस पार्टी को दुर्भाग्य भएको जस्तो लाग्छ मलाई। खैर जे भए पनि–
पार्टिको आन्तरिक अधिवेशन सकिएर विभिन्न चरणहरुमा नेतृत्व चयन गर्दै केन्द्रिय नेतृत्व समेत पार्टिले पाईसकेको छ।
अधिवेशनको प्रतिष्पर्धामूलक पाटोबाट अघि बढेर संगठन लगभग पारिवारिक माहेलमा फर्किने क्रममा छ।प्रतिष्पर्धाका विजेताहरु नया ज़िम्मेवारीका साथ पार्टि संगठनको दायित्व पुरा गर्ने र उपविजेताहरुले पुन: पार्टि संगठन भित्र आफुलाई प्रमाणित गर्ने अभियान जुटिसक्नु भएको छ।
लोकतन्त्रमा प्रतिष्पर्धा विधि र पद्धतिलाई जिवन्तता दिने सामान्य प्रकृया हो!
लोकतान्त्रिक प्रकृयाको हिस्सेदार बन्दै गर्दा विविध कारणले पार्टिभित्र फरक मत राख्ने साथीहरुले खुलस्त अथवा गोप्यरुपमा सदासयता देखाउन असमर्थ हुनु नितान्त सामान्य विषय हो।
विचारप्रतिको स्वतन्त्रतासंग हामीले गुनासो गर्नुपर्ने कुनै ठाउ छैन।चुनाव जित्नु र चुनाव हार्नु आ-आफ्नो कमजोरीका कारण हो।
आन्तरिक प्रतिष्पर्धाको सामान्य प्रक्रियालाई लिएर मनमा तुष पाल्नु र ‘पख्लास देखाईदिन्छु’ भनेर पार्टी भित्रकै साथीहरु विरुद्ध प्रपन्च रच्नुले सांगठनिक अस्तित्वलाई कमजोर तुल्याउछ।
संगठनलाई कमजोर सावित गराएर व्यक्तिको अभिमानलाई जिताउने हो भने हामी किन एउटा वृत्तमा आक्रिकृत हुनपर्यो!?
पार्टि भित्रका प्रतिष्पर्धामा व्यक्ति हारेको बदला पार्टिलाई हराएर लिने विषाक्त सोचले वलियो जनमत र जनसमर्थनका बाबजुत गणितीय रूपमा पार्टिको उपस्थिती कमजोर बनेको थुप्रै दृष्टान्तहरु विगतमा देखिसकेको हो।
परिवर्तन र रूपान्तरण आवश्यक हो भने हामीले पहिलो सुरुवात आफ्नो सोचलाई फराकिलो र उदारवादी बनाएर गर्नुपर्छ।
व्यक्तिप्रतिको तुषले सार्वजनिक ठाउमा बोल्दैगर्दा संगठनलाई घाटा हुने गैरजिम्मेवार अभिव्यक्ति कहि कसैले गर्नु अवान्छनिय हुनेछ।जसको प्रतिवाद पार्टि-संगठनलाई माया गर्ने हरकोहिले गर्नुपर्छ।
पार्टिसंगको परिचय नै हाम्रो पहिचान हो।पार्टि केवल पार्टि नभएर एउटा सिंगो परिवार हो।तसर्थ हिजोका तिता-मिठा अनुभवहरुबाट पाठ सिक्दै, हिजोभन्दा सुन्दर र सुनौलो भोलीको निर्माण गर्न हामी भित्रको वैमनस्यतालाई चिर्दै व्यक्तिवादि चिन्तनबाट माथी उठेर सबै एकढिक्का हुनु जरुरी छ।
आन्तरिक खिचातानिबाट माथी उठेर हाम्रो एकताको सुखद परिणाम र सफल उदाहरण प्रस्तुत गरि नेपाली कांग्रेस नै गाउ, समाज, समुदाय र सिंगो राष्ट्रप्रति जिम्मेवार र उत्तरदायि भएको प्रमाण हामीले सक्नुपर्छ।र हामी एकभएमा यो सम्भव पनि छ।
सही नेता नेतृत्व त्योहो जो विचार,सिद्धान्त,चिन्तन,आदर्श र निष्ठाका साथ कार्यकर्ता को माझमा घुलमिल गर्छ। एक अर्का सँग जोडिएको हुन्छ।
जय नेपाल🙏🇱🇧