पाल्पाको तिनाउ नदिमा एक महिलाको बेबारिसे शव फेला

पाल्पाको तिनाउ नदिमा एक महिलाको बेबारिसे शव फेला परेको छ । रुपन्देहीसँगै जोडिएको पाल्पाको तिनाउ गाउँपालिका ३ मा रहेको विध्दुत ड्याम्प नजिकै शव फेला परेको हो । अन्दाजी ६० वर्षिय महिला मृत फेला परेको जिल्ला प्रहरी कार्यलय पाल्पाका प्रहरी प्रवक्ता प्रविन पचभैयाले जानकारी दिनुभएको छ । पचभैयाका अनुसार शव घोप्टो परेको अवस्थामा देखेपछि स्थानीयले प्रहरीलाई खबर गरेका थिए । घटनाबारे थप अनुसन्धान भइरहेको प्रहरीले जनाएको छ ।