विश्वकप छनोट फुटबल अन्तरगर्त आज नेपालले अष्ट्रेलियासँग खेल्दै छ । विश्वकप तथा एसिया कप छनोटको अन्तिम खेलमा नेपाल र अष्ट्रेलियाको खेल कुवेत सिटीमा राति पौने १० बजे शुरु हुनेछ ।
समूह ‘बी’ को एकमात्र अपराजित टोली अष्ट्रेलियाले पहिलो खेलमा नेपाललाई घरेलु मैदानमा ५–० ले हराएको थियो ।
पाँच पटक विश्वकप खेलिसकेको अष्ट्रेलिया र पहिलो पटक दोस्रो चरणको छनौटमा पुगेको नेपालबीचको खेल रोमाञ्चक हुने अनुमान रहेको छ।
समूहमा ६ खेलबाट १८ अंकसहित अष्ट्रेलिया शीर्ष स्थानमा रहेको छ भने नेपाल ६ अंकसहित चौथो स्थानमा छ ।
पाँच टिम सहभागी समूहमा नेपालले पुछारको चाइनिज ताइपेईलाई दुवै खेलमा हराउँदा जोर्डन र कुवेतसँग दुवै खेल हारेको थियो ।