सिड्नी
क्याम युथ एसोसिएसनद्वारा आयोजित क्याम डे–नाईट प्रिमीयर लिग क्रिकेट प्रतियोगीता यहि मे १५ देखि सुरु हुन गइरहेको छ। यसमा सहभागी क्लबहरूको पनि टुंगो लागिसकेको छ। यस प्रतियोगीतामा कुल ९ टिमले सहभागीता जनाउने छन् । सहभागी क्लबहरूयसप्रकारका छन् :
- West united cricket
- Cam youth cricket club
- Royal Khukuri cricket club
- Expert cricket club
- Buddha bhumi cricket club
- GNR cricket club
- The Next Rising Cricket Club
- Aspire cricket club
- Boundary line cricket club
खेलहरू राउण्ड–रोबिन प्रणालीमा हुनेछन् । उदघाटन समारोह मे १५ आइतबारको दिन दिउॅसो ३ बजे ब्रेसिंगटन पार्कमा हुने क्याम युथएसोसिएसनका अध्यक्ष मुस्कान पाण्डेले द ट्रु खबरसॅगको कुराकानीका क्रममा बताउनुभयो । समारोहमा संचालक, सहयोगी संस्थाहरू, प्रायोजक, प्रस्तुतकर्ता, भाग लिने क्लबहरूहरूको परिचय र धन्यवाद प्रदान गरिनेछ। समारोहको मुख्य अतिथि एनआरएनएए( NRNAA) का अध्यक्ष नन्द गुरूगं रहेका छन् ।
पहिलो दिन १ खेल मात्र हुनेछ र आगामी हप्ता ३ खेल हुनेछन् । प्रतियोगीताको पूर्ण खेल तालिका क्रिकक्लबमा आइसकेको छ। पहिलोखेल १५ मे आइतबार ४ बजेबाट ब्रेसिंगटन पार्कमा वेस्ट युनाइटेड र बुद्द भुमी क्रिकेट क्लब बिच हुनेछ ।
यस लीगका टाईटल स्पोन्सर किंगसटन ईन्स्टिच्युट अष्ट्रेलिया रहेको छ। म्यान अफ द टुर्नामेन्टका प्रायोजक सफल एजुकेसन एण्डभिजा सर्भिसेजले रहेको छ । सिल्भर स्पोन्सरमा सम्बन्ध रेष्टुरेण्ट छ भने अस्पाली जबास एण्ड एन्टरटेन्मेन्ट,विनर्स सर्कल, स्टे क्लिनअष्ट्रेलिया,एडभान्स कलेज, इम्पेरियल इन्सटिच्युट अफ सिड्नी र अपेइरो इन्सटिच्युटको सहयोग रहेको छ।मीडिया पार्टनरका रूपमा दट्रु खबर र एभरेष्ट मीडियाले सहकार्य गरेका छन् ।
प्रतियोगीताको विजयी टिमले पाँच हजार डलर नगद पुरष्कारका साथै मेडल, सर्टिफिकेट र ट्रफी प्राप्त गर्नेछ । त्यसैगरी उपविजेताले दुई हजार डलर नगद, मेडल, सर्टिफिकेट र ट्रफी पाउनेछन् । म्यान अफ द टुर्नामेन्टले भने ५००$ नगद र ट्रफी प्राप्न गर्नेछ ।दर्शक दिर्घामा बसेका मानिसहरू मध्य कसैले एक हातले बल क्याच गरेमा ५०$ नगद पुरष्कार पाउने छन्।
