८ साउन, एडिलेड ।
अष्ट्रेलियाको एडिलेडमा बसोबास गर्ने २७ बर्षिय आश्मा केसीले नेपालमा जारी मिस युनिभर्स नेपाल प्रतियोगितामा प्रतिस्पर्धा गर्दै छिन्। अगष्ट १९ मा मिस युनिभर्स नेपालको फाइनल काठमाण्डौमा हुँदैछ । हाल नेपालबाट पठाइएका अनलाइन टास्कहरू आस्माले एडिलेडमै बसेर गरिरहेकी छिन् ।अगष्टको ८ बाट बन्द शिविर शुरु हुने जनाइएको छ । अगष्ट २ मा सेमिफाइनलका लागि छनौट भएका प्रतियोगीहरूको नामावली सार्वजनिक हुनेछ।
आश्मा केसीको छोटो परिचय
मिस नेपाल २०१६ प्रतियोगितामा प्रतिस्पर्धा गरि सफलतापूर्वक शीर्ष १० मा पुग्ने र मिस एथलेटिक र यामाहा फेस अफ फेसिनो २०१६गरि दुई उपाधि जित्न सफल प्रतियोगी हुन् आश्मा केसी । मिस युनिभर्स नेपाल २०२२ मा आफ्नो यात्रा आरम्भ गरेकि आश्मा नेपाल सरकारको पर्यटन तथा होटल व्यवस्थापनको शिक्षालय नाथमबाट हस्पिटालिटी एडमिनिस्ट्रेशनमा प्रथम श्रेणीको बिएचएम (ऑनर्स) डिग्री लिएर विश्वव्यापी स्तरमा आतिथ्यताको सम्भावनालाई थप अन्वेषण गर्न प्रेरित रहेकी छन् ।
२१ बर्षको कलिलो उमेरमै एडिलेडको इन्टरनेशनल कलेज अफ होटल म्यानेजमेन्ट (आईसीएचएम)मा अध्ययन गर्न अष्ट्रेलिया आएकी उनले पछिल्ला तीन वर्ष पर्यटन तथा होटल म्यानेजमेन्ट क्षेत्रमा काम गर्दै अनुभवहरू संगाल्दै आएकी छिन्।
उनी सामाजिक संस्थाहरु मार्फत क्रियाशिल रहेकीछिन् । आफ्नो समय पेशा समाजसेवा बाहेक, आस्मा आफ्नो जोशलाई जीवित राख्न मोडलिङ र फेसनजस्ता रुचिका कामहरुमा पनि व्यस्त छिन् ।
मिस युनिभर्स नेपाल २०२२ को क्वाटर फाईनलमा पुगिसकेकी केसी यो मञ्चलाई दिनदुखी र समस्यामा परेका मानिसहरूको आवाज बन्नुका साथै ती विपन्न मानिसहरूलाई सम्मान, समावेशी र छनोटको स्वतन्त्रताको साथ जीवन बिताउन सहयोग गर्न उपयोग गर्ने बताइन।
उनले विशेष आवश्यकता भएका व्यक्तिहरूका सामाजिक बाधाहरू हटाउन मिस युनिभर्सको प्लेटफर्म समेत प्रयोग गर्ने आफ्नो चाहनारहेको बताए ।
विशेष सहयोगको आवश्यक भएका व्यक्तिहरुको आवाज बुलन्द गर्ने उनको योजना छ। केसीको जीवनको लक्ष्य अष्ट्रेलियाको अध्ययन सकेर नेपालमै फर्किएर मानसिक समस्यामा रहेका मानिसहरूसँग काम गर्ने रहेको छ ।