नवौं राष्ट्रिय खेलकुदका लागि भदौ २५ सम्म नाम दर्ता गर्नुपर्ने

Bythetruekhabar

१५ श्रावण २०७९, आईतवार १४:३७ १५ श्रावण २०७९, आईतवार १४:३७ १५ श्रावण २०७९, आईतवार १४:३७ #9th national sport, #national sports, #rakhep

नवौं बृहत राष्ट्रिय खेलकुदका लागि सहभागी टिमले खेलाडीको नाम दर्ता गर्नुपर्ने भएको छ । आइतबार बसेको राखेपको ११३औं बोर्ड बैठकले असोज २८ देखि कात्तिक ३ गतेसम्म गण्डकी प्रदेशमा हुने नवौं बृहत राष्ट्रिय खेलकुदका लागि सहभागी ११ वटै टिमले भदौ १५ गतेसम्म खेलाडी संख्या र एक महिना अगावै अर्थात् भदौ २५ गतेसम्म नामसहित दर्ता गर्नुपर्ने निर्णय गरेको हो ।

नवौं खेलकुदमा सात प्रदेश, गैरआवासीय नेपाली संघसहित चारवटा विभागीय टिमको सहभागिता हुनेछ । संघले पनि विभागीय टिमको मान्यता पाएको छ । बैठकले एउटा टिममा अधिकतम ३३९ महिला र ३६९ पुरुष खेलाडीले प्रतिस्पर्धा गर्ने गरी कोटा निर्धारण गरेको छ । नवौं खेलकुदमा ३६ नियमित र २ प्रदर्शनी खेलका कुल ४ सय ७ स्पर्धामा प्रतिस्पर्धा हुनेछ । सम्बन्धित जिल्ला र प्रदेशका खेलाडीलाई मात्र सहभागी गराउन पनि निर्णय गरेको छ ।खेलाडी छनोटका लागि प्रदेशलाई आवश्यक बजेट उपलब्ध गराउने निर्णय सहित प्रतियोगितामा सहभागी सबै खेलाडी र अफिसियलले दैनिक २ हजार भत्ता पाउने स्रोतले जनाएको छ ।

Leave a Reply

Your email address will not be published. Required fields are marked *