रेट्रो ग्रुपको व्यानरमा बन्न लागेको फिल्म ‘द आउट ल’ निर्माण घोषणा गरिएको छ । फिल्मको थिम टिजर र फस्टलुक पोस्टर समेत सार्वजनिक गर्दै निर्माण टिमले जनवरी ५ बाट फिल्म फ्लोरमा निस्कने बताएका छन् ।
कानुन नमान्ने व्यक्तिको कथामा आधारित रही निर्माण हुन् लागेको यस फिल्मलाई विक्की महर्जनले निर्देशन गर्नेछन् भने दिर्घ धामी सह-निर्देशकको भूमिकामा रहनेछन् । पूर्ण एक्सन–थ्रिलर जनराको यस फिल्ममा अभिनेता सुशील श्रेष्ठ, शिक्षा संग्रौला, नरेश पौडेल, सुमन भण्डारी, हेम गुरुङ, विशाल पहारी, महेश त्रिपाठी, लगायतका कलाकारहरुलाई देख्न सकिनेछ ।
शशांक खड्का र अमित अग्रहरीको निर्माणमा बन्न लागेको फिल्ममा विनोद कडायत कार्यकारी निर्माता रहेका छन् । त्यस्तै, नविन गुरुङ फिल्मका डिओपी हुन् । २ करोड हाराहारी बजेट खर्च हुने अनुमान गरिएको यो फिल्म आगामी बर्षको दशैंमा प्रदर्शन गर्ने निर्माण टिमको तयारी छ ।