कैलालीको टीकापुरकामा तीन दिनदेखि बेपत्ता रहेका एक बालकको शव फेला परेको छ।
जिल्लाको टीकापुर नगरपालिका-१ ब्लक नं ८ का दिलीप विष्टका पाँच वर्षीय छोरा विवेकको शव फेला परेको जिल्ला प्रहरी कार्यालय कैलालीका प्रमुख प्रहरी उपरीक्षक विश्व अधिकारीले बताए।
इलाका प्रहरी कार्यालय टीकापुरका प्रहरी नायव उपरीक्षक प्रकाश सापकोटाका अनुसार बालकको शव झण्डै ५ किलोमिटर तल टीकापुर नगरपालिका-४ बाघमारास्थित जमरा कुलोमा भेटिएको हो। घटनाको थप अनुसन्धान भइरहेको उनले बताए।
सोमबार दिदीसँगै जामुन खाएर फर्किएका उनी नजिकै रहेको आफन्तको घर जान्छु भन्दै गएका थिए । छोरा आफन्तको घर गएपछि बालककी आमाले त्यहाँ जाँदा विवेंक त्यहाँ नगएको थाहा भएपछि आफन्तले खोजी तिब्र पारेका थिए।