सुजिता भण्डारीको मृत्युको विषयलाई लिएर अधिकारकर्मी महिलाहरुले बुधबार पनि विरोध प्रदर्शन गरिरहेका छन् । केही दिनयता भण्डारीको मृत्यु शंकास्पद भन्दै विरोध चर्किरहेको छ। हुलदंगा बढेपछि जिल्ला प्रशासन कार्यालय चितवनले कर्फ्यू नै जारी गरेको छ। चितवनको राप्ती नगरपालिका–३ की २३ वर्षीया सुजिता भण्डारीको मृत्युको कारण पोष्टमार्टम रिपोर्टबाट स्पष्ट हुन सकेन । तर, उनको मृत्यु चोटपटकबाट भने नभएको फरेन्सिक जाँचमा संलग्न चिकित्सकहरुले बताएका छन् ।

Locals demand fair investigation into Sujata case - KathmanduPati

चिकित्सकहरुले जानकारी गराए पनि उनको मृत्युको कारणबारे पोष्टमार्टम र भिसेरा जाँचको लिखित रिपोर्ट नआएको चितवन प्रहरी प्रमुख ओम अधिकारीले बताए । उनले भने,‘ पोष्टमार्टमपछि शव परिवारले काठमाडौँमा नै बुझ्नु हुन्छ । अहिलेसम्म बुझ्नु भएको छैन । उहाँहरुले केही दिनपछि बुझ्ने बताउनु भएको छ ।’ काठमाडौँबाट प्रयोगशालाले लिखित जानकारी दिइसकेपछि मात्र प्रहरीले केही बताउन सक्ने उनले जानकारी दिए । मृत्युको कारण स्पष्ट नभएको अवस्थामा भिसेरा जाँच गर्ने गरिन्छ । यसबाट मृतकले जीवित रहँदा खाएको कुरा र मृत्युअघि कुनै रोग भएको भए, त्यसबारे पनि थाहा हुने चिकित्सकहरु बताउँछन् ।

आइतबार राप्ती नगरपालिकाको ब्रह्मास्थानी सामुदायिक वनमा भण्डारीको शव भेटिए नजिकै विषको बट्टा पनि बरामद भएको थियो । त्यही खाएर भण्डारीले आत्महत्या गरेको हुनसक्ने आशंका पनि छ । विष खाएको वा नखाएको भिसेरा परीक्षणबाट पुष्टि हुन्छ । शव भेटिनु नौ दिनअघि परिवारले भण्डारीको अपहरण भएको भन्दै प्रहरीमा जाहेरी दिएकोले स्थानीयले बलात्कारपछि हत्या हुन सक्ने आशंका गरेका थिए । तर, भण्डारीको योनीको जाँच गर्दा जबरजस्ती करणीको कुनै संकेत नदेखिएको काठमाडौँको प्रयोगशाला स्रोतले जनाएको छ ।

तर, अपहरणको कुनै सकेत नदेखिँदा प्रहरीले भण्डारीको सम्बन्धको विषयमा विश्लेषण गरेर अनुसन्धान गरिरहेको थियो । त्यहीबीच उनको शव भेटिएपछि घटना रहस्यमय बनेको छ ।

Leave a Reply

Your email address will not be published. Required fields are marked *