भर्चुअल माध्यमबाट भएको भानुका युवाहरुको भेलाले यस अघि संयोजक तोकिएका ढकाललाई नै सर्वसम्मत अध्यक्ष चयन गरेको हो । रोटर्याक्ट क्लब अफ दमौलीका पूर्व अध्यक्ष मनोज राउतको विशेष उपस्थितिमा भएको भेलाले कार्य समिति चयन गरेको हो ।
पहिलो पटक भानु क्षेत्रमा गठित क्लबको संस्थापक अध्यक्ष भएका ढकाल विद्यार्थी नेता तथा युवाका क्षेत्रमा क्रियाशिल छन् । क्लबको सचिवमा रञ्जन बगाले चयन भएका छन् । अब १३ सदस्यीय कार्य समिति चाँडै सार्वजनिक गर्ने नवनिर्वाचित अध्यक्ष ढकालले The True Khabar लाई बताए ।
रोटरी क्लब अफ दमौलीले भानुमा रोटर्याक्ट क्लब गठनका लागि प्रेरणा दिएको उनले बताए । क्लबका अध्यक्ष दिनेशकुमार श्रेष्ठले भानुमा पनि अब रोटरी र रोटरयाक्ट अभियान अघि बढ्ने विश्वास व्यक्त गरे ।