गैरआवासीय नेपाली संघ (एनआरएनए)को न्यु साउथ वेल्सका लागी राज्य समन्वय परिषदको उपसंयोजक मा ब्रसीस सुवलले उम्मेद्वारीदर्ता गराएका छन् ।
उनले एनआरएनएमा युवा,विद्यार्थी र महिला सशक्तिकरणका अभियान साथै यहाँ हुर्कदै गरेको दोस्रो पुस्तालाईसमेट्दै कार्यहरू संचालन गर्ने र नेपाली समुदायप्रति प्रतिबद्ध भएर अघि बढ्ने भावना The True Khabar सॅगको कुराकानीको क्रममाव्यक्त गरेका छन्।
उनी कुनै समुह सॅग आबद्द नभइ स्वतन्त्र उम्मेदवारको रूपमा चुनाव लड्ने छन् । उनको चुनावी मैदानमा उत्रनुको मुख्य उद्देश्य राजनीति रहित NRNA को परिकल्पना रहेको बताउनुभएको छ ।
उनले एनआरएनए अष्ट्रेलियाको निर्वाचनको सरगर्मी बढ्नु अघिनै सम्पूर्ण सदस्यको भावना र अग्रजहरूको सुझाव लिदै संस्थाकोहितकालागि सहमति र सहकार्यबाट केहि समय अघि एनआरएनए न्यू साउथ वेल्सको लागी राज्य समन्वय परिषदको उपसंयोजक पदमा दावी गर्दै आएका थिए ।
सोहि अनुरूप उनले अस्ट्रेलियामा नेपाली युवावर्ग र विद्यार्थीको मुद्दा हरुलाई अझ सशक्तरुपमा र एकता कायम राख्न आफूले न्यु साउथवेल्सका लागी राज्य समन्वय परिषदको उपसंयोजक पदमा उमेद्वारी दिने निर्णयमा पुगेको उनले बताएका छन् । यही जुलाई ३१ तारिखशनिवार नेतृत्वका लागि मतदान हुँदैछ ।