नेपाल पक्षलाई ‘आममाफी’ दिने ओलीको घोषणा

Bythetruekhabar

७ श्रावण २०७८, बिहीबार १४:५५ ७ श्रावण २०७८, बिहीबार १४:५५ ७ श्रावण २०७८, बिहीबार १४:५५ #former pm kp oli, #kp oli, #madhav nepal, #nepal, #sher bahadur deuba

नेकपा (एमाले) का अध्यक्ष केपी शर्मा ओलीले पार्टीमा असन्तुष्ट रहेको समूहलाई ‘आममाफी’ दिने बताएका छन् ।

पुष्पलाल स्मृति दिवसको अवसरमा बिहीबार आयोजित कार्यक्रममा ओलीले भने, ‘ बाटो बिराएका भडि्कएका साथीहरुलाई पनि आग्रह गर्न चाहन्छु, यस पार्टी र आन्दोलनको एकताका लागि पुष्पलाललाई सम्झिएर भन्न चाहन्छु, सबैलाई एम्नेष्टी इज ग्रान्टेड ।’

उनले फ्लोर क्रस गर्दै प्रधानमन्त्री शेरबहादुर देउवालाई मत दिएका नेपाल समूहका नेताहरुलाई लक्षित गर्दै ‘जे सुकै भएको होस्, एम्नेष्टी । आउनुस् मिलेर काम गरौं ’ उनले भने ।

बुधवार मात्रै ओलीले २४ घण्टे अल्टिमेटम दिएर नेपाल पक्षका २२ सांसदलाई स्पष्टीकरण पत्र पठाएका थिए। उनले माधव कुमार नेपालालाई दोस्रो अध्यक्ष बनाउने प्रस्ताव पनि गरेका थिए। तर, नेपालले आफ्नो प्रस्ताव स्वीकार नगरेको ओलीले बताएका थिए।

ओलीले नेपाल पक्षलाई पार्टीमा फर्कन आग्रह समेत गरेका छन् । तर, नेपाल पक्षका कारण पार्टीले ठुलो धक्का बेहोरेको ओलीको भनाई थियो ।

 

Leave a Reply

Your email address will not be published. Required fields are marked *