फेडेरेसन अफ नेपलीज कम्युनिटी एसोसिएसन अफ अस्ट्रेलिया (फेन्का) को आयोजनामा ‘नेपाली समूदायमा आत्महत्या रोक्न मिलेर काम गरौ’ कार्यक्रम संचालन हुदैछ। आत्महत्या रोकथाम दिवस अर्थात् सेप्टेम्बर १० तारिखमा हुने तालिम बेलुकी ७:३० देखि ९:३० सम्म जुममार्फत संचालन हुनेछ ।
कार्यक्रममा संस्थाका पूर्व अध्यक्ष एवं मेन्टल हेल्थ फस्ट एड प्रशिक्षक भरत नेपालले ‘समूदायमा मानसिक स्वास्थ्य समस्या भएकाहरुको पहिचान र सेवामा पहुँच’ सम्बन्धि तालिम दिनु हुनेछ । डा. चन्द्र पोखरेलले ‘अस्ट्रेलियाको नेपाली समूदायमा मानसिक स्वास्थ्य समस्या’ सम्बन्धि तालिम प्रदान गर्नु हुनेछ । यसैगरी डा. सुरेन्द्र खनालले ‘सिड्निमा रहेका नेपाली बिद्यार्थीहरुमा मानसिक स्वास्थ्य समस्या’ बिषयमा प्रवचन दिनु हुनेछ । मनोचिकित्सक सल्लाहकार डा. घनस्याम चापागाईले ‘आत्महत्याको समाजशास्त्र’ मा तालिम प्रदान गर्नु हुनेछ ।
फेन्कासंगै प्रवासी नेपाली विद्यार्थी संगठन, नेपाल अस्ट्रेलिया पब्लिक लिंक, एन आर एन अस्ट्रेलिया, अस्ट्रेलियन नेपलीज मेडिकल एण्ड डेण्टल एसोसियसन र अस्ट्रेलियन नेपलिज जर्नालिस्ट एसोसियसनको संयुक्त आयोजनामा कार्यक्रम संचालन हुनेछ ।
नेपाली समुदायमा निकै प्रभाव पारिरहेको मानसिक स्वास्थ्यका बारेमा जानकारी दिने र उपचार सेवाका लागी सहयोग गर्ने यो तालिम धेरै नै महत्वपूर्ण छ ।
तल दिइएको मिटिङ्ग आइडी र पासकोड प्रयोग गरी जुममार्फत संचालन हुने उक्त तालिममा सहभागी हुन सकिनेछ ।
Meeting ID : 883 0157 2011
Passcode : 995319
