मुगुमा बस दूर्घटना हुँदा २३ जनाको मृत्यु र १८ जना घाइते भएका छन् । मंगलवार दिउँसो करीब साढे १ बजे छायानाथ रारा नगरपालिका–७ पिनाटपने खोला भन्ने ठाउँमा बस दूर्घटना भएको हो ।
सुर्खेतबाट मुगुको सदरमुकाम गमगढीका लागि गएको भे १ ख ३१६७ नम्बरको बस सडकबाट २०० मिटर तल खसेको प्रहरी कार्यालयले जानकारी दिएको छ ।
घाइतेहरूलाई दूर्घटनास्थलबाट निकाल्दै अस्पताल लिने काम भइरहेको जानकारी दिइएको छ । उक्त गाडीमा ३९ जना सवार रहेको बताइएको छ । दूर्घटनाबारे पूर्ण विवरण आइसकेको छैन ।